المساعد الشخصي الرقمي

مشاهدة النسخة كاملة : قصائد حسينيه خالده (شعر شعبي )



هــــــــــادي
28-06-2008, 04:24 AM
اشهر القصائد الحسينيه لشعراء شعبيين
من وسط وجنوب العراق كتبت على مدى
مائتي عام بين 1820 و1970 وربما
اقدم سانشرها للاستفاده والاطلاع على
تراث الشعر الشعبي العراقي وكنوزه .


وليدي شبيدي حال الأجل ما بينك وبيني
باليمنه لك هزيت وباليسره ربيك
وعيوني وحده فراش وبوحده أغطيك
يغفني نسيم الهاب يابني اليمر بيك
واتناسه سهم دنياي يابني من اصد ليك
وليدي شبيدي حال الأجل مابينك وبيني

من ظلوعي اسوي شموع لعرسك يا غالي
واعلگها بالآمال تضوي الليالي
واتخيلك تميت تشع يا هلالي
وبالغاضريه نسيت كل ولد مالي
وليدي شبيدي حال الأجل مابينك ويني

اتوسد الدلال واتروى بالروح
واسمك يانور العين بلسم للجروح
لاتشح ياجسام من عيني وتروح
وامست عليك الروح يامدلل تنوح
وليدي شبيدي حال الأجل مابينك وبيني

ياعذيبي يا رسرس يا شطبة البال
يازهرة الآمال والغصن ريان
يالصرت وتربيت وبحجري لحزان
حزني عليك الدوح ياوليدي حزنان
وليدي شبيدي حال الأجل مابينك وبيي

مثل الجسم عالعين حارس وحاميك
وإنت النظر للعين وعيني التجد بيك
وتبرعت برباك وللموت اوديك
شلون أمشي يابني اليوم وعالغبره أخليك
شبيدي وليدي حال الأجل مابينك وبيني

هــــــــــادي
28-06-2008, 04:31 AM
شرفك معبود السما الخالق عباده
ياراعي القياده
جبريل يشهد وإنت يا حيدر إستاده
ياراعي القياده


يا علي لوما وجودك الدين ماصار وتعمر
إنت حيدر الموت الأحمر وإنت داحي باب خيبر
إنت أول وإنت تالي للإسلام سور مرمر

إنت الحسب
وإنت النسب
ليث العرب
سيفك غضب
گبتك ذهب
والغير گبته مهدمه وعاريه

ياعلي ورب البريه صورك للكون زينه
ماعرف معناك غير الباري والهادي نبينه
موش گصدي بيك أغالي ولا لعد فضلك أبينه
ماني شارح
الفضل واضح
جالمصابيح
واليكافح خله يا حيدر يجينه

هذا الخبر عن النبي گال بلسانه
ومايخفى بيانه
بالكتب خل يطالع الراد إستناده
ياراعي القياده

يا علي ورب البريه لبسك ثوب الخلافه
والغصب هالثوب منك بالحشر شنهو إعترافه
وإحنه يا حيدر نعرفه الخانك ونعرف اوصافه

يوم الشدد
بالمنطرد
لمن شرد
خايف لبد
وإنت الاسد
صوتك رعد
وإنت ذراعك عبر الحربيه

خبر وارد عن محمد يوم گال لك يابو الحمله
ماعرف معنى الإله خالق الكونين إلا
آنه وياك النعرفه ياعلي من الكون كله

إنت وانه
نعرف شانه
وسر بيانه
معنوية حكمة الله

معناي غير الله وغيرك ما يعرفه
ولا واحد يوصفه
بس الله وانه اللي نعرفك عالإراده
ياراعي القياده


ياعلي وبيك إلتزامي وهيبتي وهيبة الأمه
من سبب ماشوف واحد مثلك وحتى آنه لزمه
واليأخرك نغل مو حافظته أمه

والأخرك
ما قدمك
شلون إعزلك
عن منصبك
وهو إلك
لولاك هذا ما نحب طاريه

بعد ما يحتاج نشرح هالخب مسند
شلون يتكذب و وارد عن رسول الله محمد
ما يجذبه إلا ذاك المابضي حبك ترشد

ذكر ربه
واليجذبه
عمى الگلبه
وعلي بدربه
وعن طريج الحگ تبعد

ماحصل الدارين كل من عاف دربك
وما يهتدي بحبك
خل يعبد شما عبد ما تفيده العباده
ياراعي القياده

هــــــــــادي
28-06-2008, 04:43 AM
ودع وطن طيبة حسين
ولكربلا تعناهه
حفت بالضعن عدنان
وتعنت مناياهه

يثرب حين ودعها
وعنها الضعن راد يشيل
سمعت هاشم بنيته
ناوي على المسير بليل
لفاه محمد يناديه
ودمعه على خدوده يسيل

ناوي بهالضعن لاوين
ماخذ كل هلك يحسين
لاتضعن يا نور العين
يثرب ما تود فرگاك
ليش تريد فرگاهه


ليش بضعنك بهالليل
طالع من وطن جدك
يظلم من عگب عينك
وهاشم تنذل من بعدك
إنجان الگصد للكوفه
إترك يا فحل گصدك

لا تضعن لواديها
تخونك بس تصل ليها
ياخويه نسيت أهاليها
وخوك شسوت وعوده
تدري بكل فجاياها

لمن سمع حجيه حسين
ون وصفگ إيد بإيد
يگله عداي يردوني
ابايعهم وطيع يزيد
واگضي العمر بالذله
يخويه لهالعمر ماريد

خليني ارشد بنيتي
وآخذ كل أهل بيتي
بالعز رايد منيتي
عليل الدين يامحمد
ودمي لعلته دواهه

هيهات أصبر على الظيم
وعليه تغمض عيوني
لن صوت العليله تصيح
ياهل الضعن تانوني
صاح ارشد ياحادي وسير
وتجدم على ضعوني

ياهلي وياكم إخذوني
عگبكم تعمى عيوني
وحدي لا تخلوني
فرگاكم هدم حيلي
وروحي المرض اسلاهه


ياويلي من سمعها حسين
رد من الضعن ليها
گعد يمها يصبرها
على فرگاه ويسليها
يگلها يا ضوه عيوني
دمعتج لا تهليها

يابويه للوطن ردي
وخليني ارشد بگصدي
ونتج ذوبت جبدي
تراني من اسمع ونينج
روحي تزود بلواها


تگله شلون اتم وحدي
ولاعرف وين منواكم
عگبكم من يصبرني
ويسليني على فرگاكم
يابويه وياكم إخذوني
أموتن واحتيي وياكم
مني ليش تتعذر
وآنه على البعد ماگدر
ضعنكم ناحر بهالبر
ولا أدري رگايبكم
وين يصير منواهه

جاوبها عليله إنتي
يابويه وخطر مسرانه
وخاف من التعب ياذيج
لو خذناج ويانه
كلنا هنا وبعد ايام
اودي لج الريحانه

يجيبج والشمل يلتم
گلبج لا يظل يهتم
گلبي عليج يتألم
لو شفتج بهالحاله
روحي الحزن يسلاهه

تگله كلكم تغيبون
وابگه بهالوطن وحدي
مالي حيل فرگاكم
وذاب من الحزن جبدي
يابويه عاد خليلي
عبدالله الطفل عندي

بلجن يرد وحشتكم
يسليني على فرگتكم
خاف تطول غيبتكم
خاف دمعتي تجري
ولا ينگطع مجراها

گلها شلون عبدالله
نمشي وعندج نخليه
عليه أمه شيصبرها
وتصعب فرگة أمه عليه
خويه حرمله ظالم
لخوج بكربله يتانيه

صايغ له لخيج طوگ
لبسه بس عليه يلوگ
جنه عاشگ ومعشوگ
يطوّگ رگبته بنبله
تظل للحشر وياهه

كون من الدليل تشوف
أخيج سابح بدمه
وسدر بيه للمخيم
ومني تاخذه أمه
نوبه تشم وجناته
ونوبه بمنحره تشمه

وساعة تخمش بخدها
ولا يبگه عگل عدها
بويه الله يساعدها

هــــــــــادي
28-06-2008, 04:50 AM
طشتين ومصيبتهن ثجيله
سهمين ورمن گلب العقيله
مكسورة دهرها
وحتارت بأمرها
طشتين ومصيبتهن ثجيله

مثل گلب الحره زينب صابن السهمين عيني
ومن جمر نار المصيبة وبالنفس يصعد حنيني
جني بزينب تنادي يالمحب ون بونيني

بصحف النوايب گلبت
بمصاب زينب طالعت
سهمين بالعين انصبت
واضرب اليسره بيميني

زينب بالدهر شاهدت طشتين
وماعزة عليهن دمعة العين
تتوجه بصبرها
واحتارت بأمرها
طشتين ومصيبتهن ثجيله


إنصبت بالدلال حربه مثل حربة گلب زينب
نار طشتين بگلبها ومن سنان الحزن عطب
تشگف سهام المصيبه ونايبات الدهر تنصب

عطشان أخوها وينذبح شما تهمل العين وتشح
بالدمع متبلسم جرح ولا تبرد جبد يلهب

زينب بالصبر ضمدت جرحين
وبفيض الدمع خمدت نارين
من دهر الكسرها
وحتارت بأمرها
طشتين ومصيبتهن ثجيله

من مضت شفرات سم الحسن وتگص بدليله
طاح بحجور المنايه منصرع وانهدم حيله
يجود ويعالج بروحه مسهر وماتنام عينه

الله الله شجرى
بحالة ودايع حيره
لحسين وجّه ناظره
والدمع فجر مسيله

وتسلم مراسيم الإمامه
من الحسن وانجمعت عمامه
وتوادع ذخرها
وحتارت بأمرها
طشتين ومصيبتهن ثجيله


شلون حاله البيها زينب صارت بيوم الموادع
للحسن گصدت تودعه وشافته بحالهة منازع
هالله هالله شهالمصيبه مصاب من مصاب أفجع

مطروح أخوها شافته والسم تملك جبدته
وبالطشت يقدف مهجته وشاهدت گلبه المگطع

وطشت اللي خفوه عنها الميامين
زينب شافته والجبد نصين
صوبها بنظرها
وحتارت بأمرها

إنحنت يمه شلون حنيه ظلوع خوتهم حنتها
خويه هاي أمك الزهره بعين فاجعتك شفتها
تواصل جروح اللبجبدك وانه بدمعي خيطتها

هاي أمك الزهره التحن يمك ولمصابك تون
وستارثت منها الحزن وبالنايبات شاركتها

إختك وأمك الزهره ترى وياك
.تتگلب على وسادة مناياك
وكسرت لك ظهرها
وحتارت بأمرها
طشتين ومصيبتهن ثجيله

هذا أول طشت سحبت روح زينب ساحباته
وبعد ثاني طشت صك عيونها بسهم الشماته
بالطشت راس الحسين وعالفواطم نايباته

والخيزرانه بشفته تلعب وأدمت وجنته
وشحال گلب الشافته والدهر هذي صفاته

ويزيد على عرش الجاهليه
والسجاد بحضان المنيه
وعياله بخطرها
وحتارت بأمرها
طشتين ومصيبتهن ثجيله


آه يا زينب وگوس العلگمي سهمه رماها
وطاحن جفوف الكفاله وطاح عالشاطي لواها
وسهم التفرس بعينه صكها بالعين وعماها

وهذا العلى زينب سدر من عگب محزوز النحر
ما انصف وياها الدهر هدم مبناها وسباها

زينب حييت آثار النبوه
زينب مثلت روح الأخوه
من وافت يسرها
وحتارت بأمرها
طشتين ومصيبتهن ثجيله

هــــــــــادي
28-06-2008, 04:57 AM
بعيوني يحسين أحفظ وصاياك
واستهون الموت يابن أمي وياك
لليسر تمشي العايله والتزم بيها
وجمر المصيبه بگلبي لهيبه

طول ياليل الموادع وآيه لموادع وناره
باجر بلا خيم نمشي آنه وعيالك حياره
گوم ردنه لوطن جدنه يابن ابويه وسولي جاره

إشتعتقد حين التنصرع وحبل الوصل من ينگطع
الگوم عگبك تمتنع وماتشن عالخدر غاره

لو شنـّت الگوم عالخدر غاره
من الخدر فرّت التلتهب ناره
ولو تطفي ناره بدمعتي جنت اطفيها
وجمر المصيبة بگلبي لهيبه

باجر تمسّـين ياختي بلا خيم وبلا گرايب
وجن اشوفج يالعقيله وحدج بين النوايب
لا تعتبيني يزينب وإنت مثلج ما تعاتب

مكتوب مكتوب الأمر
والتزمي يختي بالصبر
تمشين بدروب اليسر
بالهضم وبگلب ذايب

بلا خيمه تبگين وبلا گرايب
وباجر تمسين بين المصايب
وظلت يتامه للوطن من يرد بيها
وجمر المصيبه بگلبي رهيبه

ارد اوجه لك سؤال معاذب الروح ويهمها
خويه لو حرگوا خيمنه العايله بيا خيمه المها؟؟؟
وگلـّي يالدللت زينب لو طحت من يلتزمها

وشلون تگطع هالدرب بيا حال مابين الغرب
تمشي ومدامعها تصب نايبه ويذهل علمها

ولو گالت الناس وين الهواشم
جاوبت عباس عالنهر نايم
وعيالك تمشي ميسره ومسلبيها
وجمر المصيبه بگلبي لهيبه

من الزغر يحسين أدري بكربلا وليلة العاشر
وجامنه بگلبي المصيبه وعايشه بكسرة الخاطر
ودعت هالليله خدري وينسلب يابن أمي باجر

خدري اليظل بلا زلم
فرصه العدا عليه تغتنم
ينسلب خويه وينهدم
ودم يصب دمع النواظر

وعندي لك يحسين من أمك وصيه
حين التحطون بالغاضريه
من نحره شميه و وصيتي نفذيها
وجمر المصيبه بگلبي لهيبه

آنه يابن أمي الكفيله وكون مامون بوجودي
روح أوفي إنت بعهودك وانه أوفيك بعهودي
بعيني أباريلك اطفالك عگبك وابذل جهودي

لو حرگوا علينه الطنب وعنها اليحاميها إنحجب
من النار فرّت والسلب ودمعتي بطارف خدودي

من عيوني يحسين صبّت دموعي
ونيران الفراگ حرگت ضلوعي
والروح عاذبها الدهر واشتد عليها
بجمر المصيبه بگلبي لهيبه

عندي لك يحسين أمانه من أمك واحفظ وصيه
وخبرتني الزهره تحضر باجر لأرض الغاضريه
عليك مكتوبه الشهاده واليسر مكتوب اليه

يحسين منك أيّست ولليسر آنه تهيئت
يابن أمي ودموعي تكت ياعزيز الله ونبيه

يابن أمي يحسين لو حضر جدك
من انظر عليه يخضب بدمك
وخيول أميه جثتك داست عليها
بجمر المصيبه بگلبي لهيبه


وبالصبر سليت روحي والصبر روحي ما تحملها
خل تصب دموع عيني وعيني لا ينشف جفنها
خل تون روحي لمصابك خل غذاها يصير ونها

ومن اگطع دروب اليسر ويهلي جثثكم من أمر
واتسلى بدموع الصبر وروحي تتسلى بحزنها

من أمر يحسين وانظر جثثكم
عالغبره والنار حرگت خيمكم
شتسوي ختكم يخوتي وشيطح بيديها
وجمر المصيبه بگلبي لهيبه

هــــــــــادي
28-06-2008, 05:07 AM
يحجي الگلب واحجيله
ليلة وداع الليله
يحسين شتوصيني
سهم الفراگ بعيني
ليلة وداع الليله


بت فاطمة بخيمتها
من حسبة تشيل حسبه
للحاله تتمثلها
وتكفكف براحتها
بدموعها المنسجبه
وتصبّر بمنهجها
أدركها نور إخوتها
من حسرة الملتهبه
واليها والكافلها
صاحت هلا بهالجيه
وانه أعلم بهالنيه
من نشئتي وتكويني
سهم الفراگ بعيني
ليلة وداع الليله


صد الحسين لزينب
ويناشد المحجوبه
شوصّوج أهلنه بيّه
وصّوني كون أتأهب
أنسج لخدرج ثوبه
يالبخدر مجسيه
خل نگعد ونتحاسب
شمطلوب وشمطلوبه
ونتغنم بصافيه

صاحت حسابي جمعته
وعلى إخوتي قسّمته
صفـّينه ومصفـّّـيني
سهم الفراگ بعيني
ليلة وداع الليله

صدت لبن والدها
وما غيّرت بشرتها
وتگله هونك هونك
عيالك گلب ما عدها
وتغيّرت حالتها
بهيده إحجي لا يسمعونك
فراگك تره يضهدها
وخل تغتنم راحتها
وانه عرفت مضمونك

وآنه الألِم عيالك
عگبك وربّي اطفالك
شعندك بعد وصّيني
سهم الفراگ بعيني
ليلة وداع الليله

ماني إختك وعد عينك
هالحال من يتغير
لعيالك أفدي وجودي
لوحال بيني وبينك
أمر العلينه مگدر
ماگصر بمجهودي
والتزم عروة دينك
ومشي بوصية حيدر
مگصودك ومگصودي

گلبي التغنم صبره
من در ثدايه الزهره
وبحبك مغذيني
سهم الفراگ بعيني
ليلة وداع الليله

الله لمن صدّت للحارس المايخمل
صار الحجي من المدمع
گلوب المحنّه إنفجعت
صار العتب يتناگل
واعتب الكفاله المطلع
وإيد الوداع إنمدت
والهم ثگل ما ين?گل... وگلب الحسين تگطع

ويصيح أخوج شبيده
عتبج صعب ويجيده
وانه اصبر وعاتبيني
سهم الفراگ بعيني
ليلة وداع الليله

يابن أمي هاي الساعه
ساعة وداع وخطره
ورمي النوايب بيها
وبمهجتي لذاعه
من المفارگ جمره
بالعتب خل نطفيها
وعيالك المرتاعه
وأمرك وأمري وأمره
للباري مودعيها

جني أشوفك ظامي
تنذبح نحرك دامي
وذبّاحك اليسبيني
وسهم الفراگ بعيني
ليلة وداع الليله

حبل اليسر هاوينه
ناظر دليلي يشوفه
وعيالك مجتفيها
وجن الدهر سابينه
طبّت سبايه الكوفه
وجتـّالك يباريها
وبالعلگومي مرّينه
حامي الضعينه جفوفه
عالمشرعه مگطعيها

روح أوفي ذمة عهدك
واحفظ رسالة جدك
مابينك ومابيني
سهم الفراگ بعيني
ليلة وداع الليله

Ali Hassan
28-06-2008, 12:58 PM
احسنت اخي العزيز هادي
جزاك الله تعالى خيرا على هذه الجهود الطيبه
وعلى هذا الطرح الرائع
سلمت يداك ودمت برعاية الباري وتسديده

ذكرى
29-06-2008, 01:25 AM
هـــــــــــادي

أنت متميز بكل شئ
في موضوعاتك الرائعة
ونقل الشعر المخزون
في ذاكرة الزمن

الف شكر لك

أيمان
29-06-2008, 03:01 AM
هادي
موضوع متميز
الله يعطيك العافية

هــــــــــادي
04-07-2008, 05:51 PM
احسنت اخي العزيز هادي
جزاك الله تعالى خيرا على هذه الجهود الطيبه
وعلى هذا الطرح الرائع
سلمت يداك ودمت برعاية الباري وتسديده

اخي العزيز ابو مرتضى
تواجد عطر ورد كريم
شكرا بحجم قلبك دمت لي اخا
عزيزا .

هــــــــــادي
04-07-2008, 05:53 PM
هـــــــــــادي



أنت متميز بكل شئ
في موضوعاتك الرائعة
ونقل الشعر المخزون
في ذاكرة الزمن


الف شكر لك




الفاضله ذكرى

التمييز والابداع
تواجدك الكريم
بين بسيط حروفي
تلال من الشكر
كوني بخير .

هــــــــــادي
04-07-2008, 05:55 PM
هادي
موضوع متميز
الله يعطيك العافية


ايمان

شكرا لحروفك الطيبه
وتواجدك المميز
عافاك الله ورزقك رضاه
وشفاعة محمد وال محمد
صلوات الله عليه وعليهم

هــــــــــادي
04-07-2008, 05:59 PM
زينب تنادي .... وتسجب لعبره والحزن جاسيها
أوجبت زينب على التل تنادي..... وين الضياغم
رجـّت بحنها والنحيب الوادي ..... والدمع ساجم
وين التحامي مخدرات الهادي..... وين الهواشم
زينب تنادي.... وين إخوتي المايندرس ماضيها
شما حشـّمت ماواحد من إخوتها مسرع لفاها
عونج يلبـّيها ويرد لهفتها....... ويبطل بجاها
للمعركه تعنت تهل دمعتها..... ومعلن نداها


زينب تنادي...... ومنين إجتنه كربله و واديها


-----


حنـّت وشبجت على الراس العشره .... بوسط المعاره
وتجلـّب جسوم الخذم عالغبره...... ودمها يتجاره
وتنادي وينك ياعزيز الزهره..... ماتم لي جاره


زينب تنادي.... يحسين دگعد لختك وحاجيها


من شاهدت جسم الحسين موذّر..... وذرة وذره
بحد الصوارم وبدماه معفـّر...... مهجة الزهره
وصدره بحوافر خيل أميه مكسـّر.... صاحت بعبره


زينب تنادي...... يحسين ليش بجثتك موذريها


طاحت على جسمه وتحبه بنحره...... وگطعت الظنه
شاهدت دم طبره يصك بطبره......وأيـّست منه
ودعتك الله يا جتيل العبره...... صاحت بونه


زينب تنادي....... يحسين عيني من البجه لعميها


تنادي يخويه وبالترب تتوارى...... بيك إفجعوني
ياريع گلبي ويا نمير أثماره..... ياضوه عيوني
بديرة غرب وبهالحرم محتاره.... لا تخلوني


زينب تنادي..... ماتنتهض لعيالك تحاميها


بالليالي عيون هاشم جي تنام
والمنازل نشرت سود الأعلام
لو عماها السهر أبدا ما تنام
والحزن كل جيل زاد بجيلها


جيل عن جيل الحزن عدهم يزيد
لا يملون ومسوا يصبح جديد
ما يطيب الجرح نوح ولا يثيد
لو دموع العين دم تسيلها

هــــــــــادي
04-07-2008, 06:05 PM
رايتك يا راعيها.... راعيها
حيدر ذخرها لكربله... وتروّع الكون وهله
سر إسم الأعظم بيها...... راعيها


طلعت الماتهاب الخطر..... من الخدر مسروره.... وفرحانه
شافت لعد هاشم گمر...... مثـّل علي بكل صوره .....عنوانه
وبذروة الرايه سفر.... للفلك يسطع نوره..... بإيمانه

صاحت هلا ومية هله..... بحزامك السيف يحله
يالماضيات علومك.... من يومك

يالمثـّلت عقد الوله.... بحماك هاي العايله
ماغيرك اليحميها....... راعيها
عباس رادك والدك..... تنطي الحرب مرسومه...... بعلومه
بالغاضريه يشاهدك.... يومك يمثل يومه..... بعلومه
شد على الصارم ساعدك.... وتجنه عالملزومه.... بعلومه

عباس هذي ساعتك.... والعودك أوفي ذمتك
والجهد يوفي الذمه.... بالهمه

للدين جود بنصرتك... واخبط الحومه برايتك
ولحسين إخذ صافيها...... راعيها

صد يا حليف الغانمه..... لمخيمك وعياله..... بيا حاله
إنظر ودايع فاطمه .... من العطش واهواله..... بياحاله
وطفل الحمل جمر الظمه...... ويلوع بدلاله..... بياحاله

والمرضعات اللايعه.... من العطش متلوعه
سوي الحرمكم جاره...... من ناره

ورايتك بالله مودعه... وگوم التگف عالمشرعه
طي السجل تطويها..... راعيها

صد الوديعة حيدره.... نادى يازينب هودي..... بوجودي
سموني سبع الگنطره.... والغانمات شهودي..... بوجودي
كوني برغد يامخدره..... دونج لذب مجهودي.... بوجودي

لاتهمين لغربتج .... كفي يازينب دمعتج
هاج إخذي ماي عيوني..... يا عيوني

بالماي ردي لخيمتج.... من مهجتي ومن مهجتج
لعيال أخوج أسجيها.....راعيها

نادت يابن عودي علي..... ماگصرت ويايه..... بمسرايه
فصم جعود السمهري.... وهز بيمينه الرايه.... عالسايه
ناداها يختي إتدللي... هاج الفرات ومايه.... بالآيه

تدرين يختي بصارمي......جيش اليگف عالعلگمي
يخبط الماي بدمه..... ويزمه

ادري ياخويه بصارمك.... وراية الدين تحشمك
ولو حشمتك حييها.... راعيها

كريم فليح
04-07-2008, 09:31 PM
رايتك يا راعيها.... راعيها
حيدر ذخرها لكربله... وتروّع الكون وهله
سر إسم الأعظم بيها...... راعيها


طلعت الماتهاب الخطر..... من الخدر مسروره.... وفرحانه
شافت لعد هاشم گمر...... مثـّل علي بكل صوره .....عنوانه
وبذروة الرايه سفر.... للفلك يسطع نوره..... بإيمانه

صاحت هلا ومية هله..... بحزامك السيف يحله
يالماضيات علومك.... من يومك

يالمثـّلت عقد الوله.... بحماك هاي العايله
ماغيرك اليحميها....... راعيها
عباس رادك والدك..... تنطي الحرب مرسومه...... بعلومه
بالغاضريه يشاهدك.... يومك يمثل يومه..... بعلومه
شد على الصارم ساعدك.... وتجنه عالملزومه.... بعلومه

عباس هذي ساعتك.... والعودك أوفي ذمتك
والجهد يوفي الذمه.... بالهمه

للدين جود بنصرتك... واخبط الحومه برايتك
ولحسين إخذ صافيها...... راعيها

صد يا حليف الغانمه..... لمخيمك وعياله..... بيا حاله
إنظر ودايع فاطمه .... من العطش واهواله..... بياحاله
وطفل الحمل جمر الظمه...... ويلوع بدلاله..... بياحاله

والمرضعات اللايعه.... من العطش متلوعه
سوي الحرمكم جاره...... من ناره

ورايتك بالله مودعه... وگوم التگف عالمشرعه
طي السجل تطويها..... راعيها

صد الوديعة حيدره.... نادى يازينب هودي..... بوجودي
سموني سبع الگنطره.... والغانمات شهودي..... بوجودي
كوني برغد يامخدره..... دونج لذب مجهودي.... بوجودي

لاتهمين لغربتج .... كفي يازينب دمعتج
هاج إخذي ماي عيوني..... يا عيوني

بالماي ردي لخيمتج.... من مهجتي ومن مهجتج
لعيال أخوج أسجيها.....راعيها

نادت يابن عودي علي..... ماگصرت ويايه..... بمسرايه
فصم جعود السمهري.... وهز بيمينه الرايه.... عالسايه
ناداها يختي إتدللي... هاج الفرات ومايه.... بالآيه

تدرين يختي بصارمي......جيش اليگف عالعلگمي
يخبط الماي بدمه..... ويزمه

ادري ياخويه بصارمك.... وراية الدين تحشمك
ولو حشمتك حييها.... راعيها


&&&&&&&&&&&&&&&&&&&&&&&&&&&&&&&&&&&&

بســـــــــــــــــــم الله الرحمن الرحيــــــــــــــــــــ ــــم

الأخ العـزيـز والأستـاذ هــــادي المحتــــــــــرم
حقيقــه أختيـار موفــق ونقــل رائــــــــــــــــــــع
وأذا تسمح لي بأن أستنسخ هذه القصـــــائـــــد
لأحتفظ فيها وألـف .. ألـف شكر لكَ صديقــي.
تحياتي ودعائي لـكَ بالتوفيـــــــق

عبود-ندفد
04-07-2008, 09:33 PM
يعطيك العافيه اخ هادي عالمجهود الرائع

هــــــــــادي
10-07-2008, 02:03 PM
&&&&&&&&&&&&&&&&&&&&&&&&&&&&&&&&&&&&



بســـــــــــــــــــم الله الرحمن الرحيــــــــــــــــــــ ــــم


الأخ العـزيـز والأستـاذ هــــادي المحتــــــــــرم
حقيقــه أختيـار موفــق ونقــل رائــــــــــــــــــــع
وأذا تسمح لي بأن أستنسخ هذه القصـــــائـــــد
لأحتفظ فيها وألـف .. ألـف شكر لكَ صديقــي.

تحياتي ودعائي لـكَ بالتوفيـــــــق




الاخ العزيز كريم فليح

القصائد للجميع وقد نشرتها
للاستفاده .. تدلل عيوني انت
شكرا على المرور عزيزي .

هــــــــــادي
10-07-2008, 02:03 PM
يعطيك العافيه اخ هادي عالمجهود الرائع

شكرا لك على المرور والتعليق

هــــــــــادي
10-07-2008, 02:11 PM
محمد تنشد على حسين
راح حسين يامحمد
إنشال على الرمح راسه
وجسمه بكربلا إمدد

يامحمد يابن حيدر شلون أگدر اخبرنك
وإنت بالمرض مصيوب وصوبني سهم ونك
يامحمد أخاف عليك سهامي لا يصوبنك
خواتك للوطن ردن لاجن بالهضم جنك
هاك أخبار بيه اشصار ريتك حاضر وتشهد

يامحمد عماني البين من رد المهر خالي
طارت روحي للميدان تحوم تدور الوالي
شفته على الأرض مطروح وحدره إفرشت دلالي
وصار يحرك شفافه ويطلب والطلب غالي
هاك اخبار بيه شصار ريتك حاضر وتشهد

يامحمد أخوك حسين متوسد على التربان
ومن كثر الجروح البيه ومن نار العطش ثجلان
وينادي يضعيف الصوت وجدي المصطفى عطشان
بس آنه احضرت يمه وعليه دايره العدوان
هاك أخبار بيه شصار ريتك حاضر وتشهد

محمد خويه واحتاريت من صار الشمر يمه
جسمي رميته فوگ حسين أفدي برگبتي جسمه
بصوطه الشمر گومني... وصار الوالدي يشتمه
وحكم بالنحر سيفه وگصه وخضبه بدمه
هاك أخبار بيه شصار ريتك حاضر وتشهد

يمحمد وجت الخيل تركض وسحگت صدره
وماظل عظم سالم بيه وتكسرت خرز ظهره
خويه وسلبوه الگوم الله شصعب أمره
وظل عاري ثلثة ايام موسد عالرمل نحره
هاك أخبار بيه شصار ريتك حاضر وتشهد

ذبحوه وإكتفوا منه راسه على الرمح شالوه
من الكوفه للشامات وبطشت الذهب خلوه
محمد وبمجلس يزيد وما بين العدى نصبوه
عيني بالعمى ولاشوف راسه بالعصى يضربوه
هاك أخبار بيه شصار ريتك حاضر وتشهد

يمحمد نشدني يزيد واليج يازينب وين
وراسج بيمن تشيلين راح وما يعود حسين
وفوگ العلگومي العباس نام مگطع الجفين
خويه وانه محتاره وعالغربه أدير العين

هــــــــــادي
10-07-2008, 02:16 PM
كربلا كربله گاصد كربله
حامل لواء الثوره
وكافل بنات الزهره
گاصد كربله


عهد الحسين العاهده من التكوين وزهرة أيامه
ثغر الشهاده تبسم بوجه حسين مغزى إبتسامه
وللدين نصره بذمة رجال الدين ونظم نظامه

مسجله مسجله نصرته مسجله
دم الحسين النصره كافل بنات الزهره
گاصد كربله

ومن سار الحسين وعلن بالأنصار نص الرساله
نحيي ونموت أحرار ونعيش أحرار بسم العداله
ومصدر أمرنه من الرسول المختار بأمر الجلاله

تمثله تمثله هاشم تمثله
وتحيي المحمد أمره كافل بنات الزهره
گاصد كربله

عباس بامر حسين لخته تعنى وبالأمر سرها
وركز الرايه گبالها وتجنه وأكفل خدرها
ويانه گومي لكربله نتعنى وعندج خبرها

ياهله يا هله نادته يا هله
بهالأمر وبهالمسره كافل بنات الزهره
گاصد كربله

هــــــــــادي
10-07-2008, 02:24 PM
طفله من يتامى الغاضريه
بالشامات وافتها المنيه
شبگت راس الحسين
والزينب سبتها

طالعت تاريخ عملة كربلا واندهش نوعي
وسهم من گوس المصايب صابني وخيط ضلوعي
ومن دما نحور الضحايه غدت تتواگد دموعي

وشفت الضحايه موزعه والروس منها مگطعه
وشفت الحسين ومصرعه إندهش وضعي وزاد روعي

وگلبي ظل يحوم على الأرامل ونار الخيم تتواگد مشاعل
واحترگت صواوين والزينب سبتها


جني ويا الظعن ساري من تصدى السبي الكوفه
مررونه على المعاره وشفت بيها شلون شوفه
هذا مسحول المفاصل وذاك المگطعه جفوفه

والجثث عريه مخدره وحالة ودايع فاطمه
نشفت من جسمي الدمه وگلبي عالسجاد خوفه

مكسور الگلب والجسم ناحل
من الجامعه وثگل السلاسل
ومگيد المتنين . والزينب سبتها


سايرت سبي الحريم وروحي مسبيه لسبيها
حرم مسبيه وغريبه وبالسياط ملوعيها
شدة الكوفه نستها الشام من بيـّن عليها

جا وين سبع الگنطره ويشوف بالشام إشجرى
وعيال عنده ميسره وبالخرابه منزليها

ومن ضرب العصي صارت علامه بمتون الأرامل واليتامى
وتشاجف بالإيدين والزينب سبتها


فزت من النوم طفله والگلب مجمور يلهب
تشوط نوبه على اليتامه ونوبه تتعلگ بزينب
تصيح ابويه حسين وينه گلبي لفراگه تعطب

يا عمه شفته بنومتي وانمرد جبده الحالتي
وانكسر گلبه الغربتي وبمصيبتنه تصوّب

عمه وصدر ابويه مكسرينه
وليش بدم وريده مغسلينه
والتربان تجفين والزينب سبتها


هيجت نار الگلوب الجامنه بيها عللها
وخلت عيون الفواطم دمعة الغربه تهلها
ورجنت الشام اليساره وبالنحب لمصاب اهلها

صاح ابن هند على الخدم شمروع گلوب الحرم
صيوان عزتها إنهدم خل تنوح الدهر خلها

نادوه اليتيمه تريد أبوها
وبالنوج اليساره يساعدوها
وفاضت دمعة العين والزينب سبتها


صاح يا غلمان هذا الراس ودوه للتريده
وخل تجر لمصابه ونه وتنحب الحزة وريده
وخل تشوف الخيزرانه اشسوت بثغره وتجيده

الله الله اشعمل والراس لعياله انحمل
وخيم على الطفله الأجل وراحت الطفله شهيده

وغمضت عالطشت عين اليتيمه
وصاحت يالعلي والله شمصيبه
وارتجت الكونين والزينب سبتها


إنحنت مفجوعه زينب على الطفله وگلبتها
مالگت روح بجسمها وعلى القبله مددتها
والمصيبه على المغسل صاحت اللي غسلتها

موسومه طفلتكم گضت نادوها من تيسرت
بالخيزران تلوعت والسياط الوسمتها

ومصرع هاليتيمه على اليتامه
مثل مصرع حسين وعمامه
وأثر عالصواوين والزينب سبتها

هــــــــــادي
10-07-2008, 02:31 PM
ياحسين أخبرك من طحت عالغبره
زينب مشت جتالك يباريها من طحت عالغبره


يحسين اريد الجم جروحك يحسين من غصبا عليه
بعتبي وروي جبدك بماي العين وابديلك شجيه
وادري السهم جاسم دليلك نصين ياروح الزجيه

فجرت عيني .... من طحت عالغبره
والماذي جبدك جبدتي ماذيها من طحت عالغبره

ياحسين أدري بالمثلث ماذيك سم جراح سمه
والعتب أمضه من السهم يمض بيك لحد يابو اليمه
واصعب من صواب الحجر عتبي عليك ما ينحمل همه

جمرة عتابي من طحت عالغبره
گلبي تره يحترگ من يطفيها من طحت عالغبره


جمرات عتابي لو خفاهن گلبي ينعل و يتمرمر
ويحترگ من دم الحماسه اليدبي يذبل ويتغير
ياحسين إخذ حال الحرم من عتبي وإنت بيهن أخبر

هيجت ناري من طحت عالغبره
وعتبي يخبرك بالحرم سابيها من طحت عالغبره


ياحسين بس عينك غفت عالتربان للي فاجداتك
لاظل خدر لا ظل حمى ولا صيوان يحمي مخدراتك
ياحسين ردتك حاضر بهالوديان . وتشاهد خواتك

وتغير الحال من طحت عالغبره
وحالتها لاملاك السما تبجيها من طحت عالغبره


ياحسين إخذ عتبي ويخبرك بالصار بحال الفاطميه
شوف الضرب شوف النهب شوف النار بارض الغاضريه
وتصيح زينب يالتحامون الجار يرجال الحميه

تنخى وتنادي من طحت عالغبره
هاشم ولا ظل هاشمي يحميها من طحت عالغبره

ياحسين إخذ من عتبي حال عيالك وتمثل أخباره
وشفرة عتابي تحرج بدلالك وتمرد أثماره
والخيل تدري شرضت من اطفالك من شنت الغاره

الرضت ضلوعك من طحت عالغبره
مثلك غدت بالحافر ترض بيها من طحت عالغبره

يحسين إخذ عتبي ويخبرك بالحال من غرب ضعنكم
كل محمل يباريه الكم جتال ويروع حرمكم
شما تنضرب بسياط من الجمـّال تتأخه بشيمكم

من طحت عالغبره

هــــــــــادي
10-07-2008, 02:38 PM
شيگول الگلب دسمع يا حيدر
بسم الله ورسوله
هاك إخذ العهد هاك دنيا وآخره وياك
بسم الله ورسوله



الباري من كونه الآدم وجعله بهالكون آيه
أخذ جبرائيل قبضة من التراب بضي الهدايه
واعجنه بماي الولايه وبيك مختصه الولايه

آدم من الحكمه إنولد وإحنه على ذاك العهد
نمشي بعقيده ومعتقد من المبدأ للنهايه

حبك يا علي يزكي عملنه بالدارين ويحقق أملنه
بسم الله ورسوله
وحلينه بثناياك دنيا وآخره وياك بسم الله ورسوله


ياعلي حكمة ولاءك فرج للمخلوگ أجمع
انبياء ورسل بيها وعالم العلوي تمتع
من الحوت إنجدت يونس والسفينة نوح مصنع

ياعلي وربك قدرك بشمعة محمد نورك
وبأمر دينه بصرك وإنت مبدأ وإنت مرجع

وبمسراك ياحيدر سرينه
خل يشهد رسول الله علينه
بسم الله ورسوله
نحيي ونموت بحماك دنيا وآخره وياك
بسم الله ورسوله


يا علي صورة ولاءك نور و معلـّي ضحاها
وين اليضاهيك وينه والحسد عينه عماها
ارد انشده وخل يگللي نار نمرود إشطفاها

نورك يطفي المسعره وفاضل الطينه الطاهره
بحماك دنيه وآخره وإنت ما تگطع رجاها

وإحنه يا علي فاضل الطينه
ونحبك على سنة نبينه
بسم الله ورسوله
مشغوفين بهواك دنيا وآخره وياك
بسم الله ورسوله

يا علي إكسير حبك بيه تصفية الضماير
وضامر البيه يتركز حبك من الدنس طاهر
وجاعل الباري وجودك تنكشف بيه السراير

يالحبك الباري إصنعه قبلة الصافي مرضعه
هاك إخذ گلبي وطالعه وشوف من حبك إشذاخر

اگبال العدل والتوحيد صوره
حبك والگلب يزهر بنوره
بسم الله ورسوله
ويتمتع بمعناك. دنيا وآخرهوياك بسم الله ورسوله


ثلاثة اقسام العوالم يا علي بهواك صارت
فرقه عبدت إلك سجدت فرقه بالتحليل حارت
فرقه دركتها الرسالهوبمصادرها إستنارت

وإحنه العرفنه يا علي بيك الحقايق تنجلي
وبمقتداكم نقتدي إشما ليالي الدهر جارت

گلبنه الطرايق ما وجدنه
درب البيه يتأكد رشدنه
بسم الله ورسوله
بس دربك ومبداك دنيا وآخره وياك
بسم الله ورسوله

إلك يابالحسن مشهد بالغدير شلون مشهد
وسدر مرسوم الإلهي وشد لك المرسوم مسند
ماحمل بالبشر مثله لا وحگ رب التوحد

تبيين ربك بينك تعيين رسمي عينك
والراد گلبه يوازنك ليش ما مثلك تأيد

بيك انعلگ مصباح الإمامه
وبيك تكمل الدين ونظامه
بسم الله ورسوله
وتسلم بيمناك دنيا وآخره وياك بسم الله ورسوله


يا إلهي بناظر السهران عالدين وحياته
نريد تكبيرة علينه وسيفه تنزل صاعقاته
عاليهود الخيبريه وهاي اسهل معجزاته

گلوب اليهود مروعه من يوم خيبر فازعه
والقدس أصله ومرجعه للإسلام وعاصفاته

بسمك يا علي خصمك نجيده
ونبني مجد أمتنه المجيده
بسم الله ورسوله
ونعيد الفتح ذاك دنيا وآخره وياك بسم الله ورسوله