المساعد الشخصي الرقمي

مشاهدة النسخة كاملة : أجـــــــــمـل مـــــــــاقـيـل في الابوذية



ذكرى
07-10-2009, 12:49 AM
سلام من الله ورحمته
عليكم أيها الاخوة والاخوات
في هذا الصرح الولائي

بناء على رغبة الغالبية
من أعضائنا الكرام
في استمرار الابوذية فقد
عدنا من جديد مع حلة جديدة
من الابوذيات
تحت عنوان
" أجمل ماقيل "
وسيتناول شعراؤنا الاعزاء
جميع الموضوعات من :
الوفاء - التضحية
الصداقة - الوطن
وغيرها

الدعوة عامة لكل من يستطيع
كتابة هذا اللون ويحب ان
يشاركنا

فلنبدأ على بركة الله

:)

فدى حيدر
07-10-2009, 01:24 AM
شكرا ذكرى على مواصلة الموضوع بصورة اشمل .. ::42::

راح ابدا بذكر الامام علي عليه السلام [ للشاعر ابو محمد الحسن ] ..

اثرها اعلى العرش واضح بصمتك
وسمع الكون طورشته بصمتك
شلت الصبر مترهي بصمتك
لو صمين جا شلت البرية


ناطرين ابداع الاعضاء .. :)

حسين الخالدي
07-10-2009, 01:39 AM
كل الشكر والتقدير للموقرة ذكرى
على هذا الموضوع الرائع

الصديق
---------
جميلك مانكرتة آني وفضلاك
ودم كلبي نزف لجلك وفضلاك
اميزك بين هل وآدم وفضلاك
لأن ماشوف غيرك عالوطية



يالون التجيبة مالوني
وصعباتك اجني مالوني
تعيرني بونيني مالوني
نسيت بوني تغفة ابين ادية


تحياتي للجميع

محمد الرادود
07-10-2009, 09:36 AM
الف تحية وشكر
على مواصلة الموضوع المميز والرائع
واسمحوا لي بان اسطر معكم
بعض الهمسات المتواضعة
دمتم بوووود وسعادة


علي كلي بهجرك عجب من شار
سحابة وبس علي مطرت من شار
اخذ وانطي واصير وياي من شار
ومثل ماسال عليك اسال علية

ذكرى
07-10-2009, 10:52 AM
الغالية فـدى
العفو حبيبتي
وأتحفينا بأبوذيات حلوة
;)


الشاعر حسين الخالدي
ابوذيات جميلةة جدا
بانتظار المزيد



القلم الرائع محمد الرادود
ابوذية رائعة
وبانتظار المزيد


ايضا بانتظار كل من
يحب الابوذيات
كتابة وتذوقا
زيارتنا هنا
:)

حسين الخالدي
07-10-2009, 03:50 PM
يقول الشاعر المبدع صباح امين



حجي الغيبة يبطلة وصخونة
لوثنة حجيهم وصخونة
اغث من وجع راسي وصخونة
اليثرمني ويجي يسلم علية

محمد الرادود
08-10-2009, 09:21 AM
زماني مارحمني من حناني
لاتسال جروحي من حناني
اسطر النزف احمر من حناني
تسيل دموم همساتي الشجية

فدى حيدر
08-10-2009, 03:01 PM
الله عليكم ..
ابداع ..

سور البيت تبقى انت وسدنا
وانت حمانا يا بويه وسدنا
خلافك ع الترب نمنا وسدنا
خلافك أذتنا انذال امية

[ للشاعر سامي الربيعي ]

حسين الخالدي
08-10-2009, 03:17 PM
كلم قرءآن والعالم رايلهة
ضحت بربعة وماشت رايلهة
شالت جف ابو فاضل رايلهة
وجف الثاني للزهرة هذية

ذكرى
09-10-2009, 03:28 PM
يعطيكم العافية جميعا
بصراحة ابوذيات
بمنتهى الروعة نقلا وتأليفا

بانتظار ابداعاتكم

محب الحسين14
10-10-2009, 12:31 AM
يقاطع للفيافي البيد والفاي
وتعنى يم ابو الحسنين والفاي
ترد يائي على ما بدا والفاي
لعد حيدر تجد بيه الحميه
-----

سعد الياسري
10-10-2009, 01:39 AM
تحياتي لكم جميعا احببت ان اشارككم فيما تحبون
*********************
أريد اكتب بـُـذِيـّـه واسـْــمه بيها
هدية عيد للخل واسمه بيـــــها
مـَـبيها الراء لازم وسْ مَبيــها
ثجيل السان خلـّـي اشلون بيـّـه

محب الحسين14
10-10-2009, 01:25 PM
تحياتي لكم جميعا احببت ان اشارككم فيما تحبون
*********************
أريد اكتب بـُـذِيـّـه واسـْــمه بيها
هدية عيد للخل واسمه بيـــــها
مـَـبيها الراء لازم وسْ مَبيــها
ثجيل السان خلـّـي اشلون بيـّـه


سيدنا هاي نصيحه من خادمك
-------
تحييه بالهلا خلك وكل له
شلونك صاحبي بعدي وكل له
تجنب سينك وراك وكل له
اشبكني خل ثكل خدك عليه
-----

فدى حيدر
10-10-2009, 05:14 PM
يالله ..
متى اكتب !!


علي من الذهب والوادم من تراب
واخذ دروس من حيدر من تراب
علي مو منة ابن ادام من تراب
ونهر حبه يمر بالشافعية

[ مادري منو الشاعر ] !

محمد الرادود
11-10-2009, 10:55 AM
وحق الي انقطع راسة واليدين
باهل بيت النبي احلف واليدين
مطلوب بعتب دسمع واليدين
وبس تضحك ترد الدين الية

ذكرى
11-10-2009, 10:22 PM
حسين الخالدي

فدى حيدر

محمد الرادود

احد ركاب السفية

سعد الياسري

شكرُ يلف ارواحكم
المشتعلة شعرا
وانتظر المزيد من ابداعاتكم

حسين الخالدي
12-10-2009, 03:10 PM
يعزف عالجرح ويكول عناي
صديقي الجنت اودة يروح عناي
وانة لاجلة جثيرة ادروب عناي
وصدك من طحت مامر علية

سعد الياسري
13-10-2009, 01:50 PM
عشگ لامومرض بالـدم وباكي
وهل دمعه ابجفن شاحب وباكي
جـِبت مـَشيه لعد بابـــچ وباكي
طردني ابيوم ردتچ خيمه اِليـّـه

محب الحسين14
13-10-2009, 03:16 PM
عشگ لامومرض بالـدم وباكي
وهل دمعه ابجفن شاحب وباكي
جـِبت مـَشيه لعد بابـــچ وباكي
طردني ابيوم ردتچ خيمه اِليـّـه



فدوه لعينك سيدنا
-------
اليحب يتقصد بحجيه ومشيه
لا يشكي تعب جاهه ومشيه
عليـه يغير بنهـجه ومشيه
على جفوفه يجي مو قدم ليه
-----
تقبل خاص الود ابو هاشم

سعد الياسري
13-10-2009, 08:16 PM
سره الحادي وتبعته وسار باسراء
سره وظرني ودعيت ايكون باسراء
ردت من اسم خلـّـي ايعوف بس راء
نهرني وشمـّت العدوان بيـّـــــــه

فدى حيدر
17-10-2009, 11:42 PM
للشاعر ابو محمد الحسن :

عليت بجاه حيدر وابد منزل
ولنا بحبه اعلى راق العرش منزل
نفوت اعلى الصراط بجدم من زل
نطيح وحيدر يصير النا التجية

ذكرى
18-10-2009, 11:01 PM
جميل هو يراعكم
الشعري
أيها الممتشقون العلا

بانتظار أجمل ماقلتموه
في الابوذيات
من المتابعين ;)

فدى حيدر
19-10-2009, 01:30 AM
للشاعر كاظم المنظور :


الليالي نغـرت ِ الغيـري بچـتلي
و اشوف اعيون كل مسلم بچـتلي
انچـان الديـن تـأييـده بچـتلي
اخذينـي يـا سيـوف الجاهليـه

ذكرى
19-10-2009, 01:56 PM
للشاعر عبدالعباس الاسدي

خوي احريم الك واطفال ونها
عله بيوم الطحت لاحيل ونها
اجت زينب تقلي اسيوف ونها
تجفل ايتامنا بالغاضرية

فدى حيدر
19-10-2009, 10:10 PM
للاستاذ المتميز الغائب خالد الفراتي :

انا والموت تجمعني قرابة
والاعمى الشاف دلالي قرابه
صار مفارق افراحي قرابة
عمر يعني فلا مرن عليه

محمد الرادود
20-10-2009, 12:53 PM
بركان الدمع فوك الوجن مندر
بسبب دولاب وكتي علي مندر
رميت الحمل على الي نوصف مندر
يابو الكلفات كون تصد الية

ذكرى
20-10-2009, 01:43 PM
للشاعر عبدالعباس الاسدي
أيضاً :

عسر زينب يعمى كــوم يسره
مشت عنك واهلنا اليوم يسره
يمن جسمك كطيع ايمين يسره
وانت اعلى الثره طايح رمية

ليث النعيمي
21-10-2009, 02:30 PM
تحية طيبه لصاحبة الموضوع ...

وتحية خاصه واشتياق لاخي الشاعر حسين الخالدي ..

................................

كبر همنه يصاحب شفته همنه
نعيش وماكو واحد شفته همنه
دكلي احنه بعمرنه شفتهمنــــه
صبحنه يجر قهر حد المسيه

,,,,,,

لعب دنيانه يا صاحب وجد ما
لكيت شلون بالبيده واجد مــا
الوكت عثرني بدروبه وجدما
سحكني لما شفت المنيه

حسين الخالدي
21-10-2009, 03:06 PM
تحية طيبه لصاحبة الموضوع ...

وتحية خاصه واشتياق لاخي الشاعر حسين الخالدي ..

................................

كبر همنه يصاحب شفته همنه
نعيش وماكو واحد شفته همنه
دكلي احنه بعمرنه شفتهمنــــه
صبحنه يجر قهر حد المسيه

,,,,,,

لعب دنيانه يا صاحب وجد ما
لكيت شلون بالبيده واجد مــا
الوكت عثرني بدروبه وجدما
سحكني لما شفت المنيه

اهلا وسهلا بالمبدعين
اهلا وسهلا بأهلي الفلوجة حياكم الله في منتدانا هذا
اهلا وسهلا بشعراء اهل البيت
وهذا اكبر دليل للعالم بأننا اخوان لايوجد فرق بين
شيعي وسني المصب واحد حب اهل البيت ع
وحب العراق

الحبيب الغالي ليث النعيمي مرحبا بك في انصار الحسين ع
وننتظر مشاركاتك الرائعة وطلب خاص للعباس ع


تصفن الناس حقك منتصفنة
وحبيبي ارجوك انصف منتصفنة
يهل تسأل مكانك منتصفنة
اذا دور عليك الكاك بية

ابن مالك الاشتر
21-10-2009, 03:14 PM
الاخت ذكرى مواضيعك راقيه

بنار الشوك غيرك من يعلها
عليله الروح وتحب من يعلها
بجنح مكسور علَت من يعلها
بسما عيونك تعلَت عالثريه
هشام

محمد الرادود
22-10-2009, 09:49 AM
الشاعر عريان السيد خلف


تكتر لاني من شخصك وصن فاك
وتادب من تمازحني وصن فاك
العتب علصعدك باية وصن فاك
وخلاك تالي تجور بية

سعد الياسري
23-10-2009, 11:15 AM
منهجاني
اظل تاريخ للعز منهج آني
عراقي ودوم اسامح من هجاني
واذا باب العروبه منهااجاني
حقد لوريح اسدها وهاي هيه