Follow us on Facebook Follow us on Twitter Instagram Watch us on YouTube
صفحة 1 من 2 12 الأخيرةالأخيرة
النتائج 1 إلى 15 من 23
  1. #1

    عضو فعّال ونشيط
    الصورة الرمزية كاظم ال جابر
    تاريخ التسجيل
    Mar 2007
    المشاركات
    1,053

    افتراضي حنين لمدينتي السماوه


    رغم الغربه القاتله وانا بين سندان الحنين ومطرقة امريكا لازلت اكتب لمدينتي ووطني وكلما اتذكر طفولتي اصبح كطائر الفاخت الذي ينوح ويئن لعشه
    -----------------------------------------------------------
    للسماوه
    .........
    حنت للسماوه الروح تاليها
    صحت ياقوقتي وصاحت فخاتيها

    .....
    فخاتيها تنوح بدار مهجوره
    تريد اتطير والجنحان مكسوره
    هيمه وگاع صبخه وكلها مخطوره
    وعلى هروشي امس نشفت سواجيها

    ........
    سواجيها شحيحه ويرفس الظامي
    يعت بيه الحنين وترجف اجدامي
    گبل چانت رشَن بستان الايمامي (اسم بستان )
    وشبع عجد الطويل بريع جاريها ( عجد الطويل شارع طويل بذلك الستان)
    ......
    جاريها صدر وذراع للملگه
    يجي من الغربي يبچي ويحظن الدنگه الدنكه عمود يرفع جسر السماوه
    مثل حال الغريب الرد بعد فرگه
    يشبگها لحد مايطفح اعليها

    ......
    عليها الروج غافي ويحسب ايامه
    وبٌفي الجسر خدرانه الابلامه ( الابلامه تني الزوارق)
    شحلات الروف وكت المغرب انسامه
    مصفوف النخل طوگ ابچواليها الجالي مرتفع النهر

    .........
    چواليها ويطرها الناحل بطوله
    من كتر السكله ويون ماصوله السكله سوق لبع السمك
    يطر الروف للحدبه اعله هلهوله الحدبه قريه في السماوه
    ويصفجله السعف لمن يطر بيها

    ...........
    يطر نخل السماوه ويلچم ابجرحي
    يذب حمل الّبريم و گفة البرحي البريم والربحي اسمء للتمر
    گبل حري ويفوت ويغسل ابملحي
    واشربهن دبس واغفه اعله حريها

    ..................
    حريها الثخين ويغفه كل حادي

    المشمش فوگ راسه وحظن الاجوادي الاجوادي تعني الرمان الرائج
    يغازل والزلوف وگذلة الشادي
    وكصايبها السعف تلبك تراچيها

    ....................
    تراچيها السماوه انجوم گمريه
    من صوب الزغير وكلها مضويه
    يروح الروج للقشله ويرد بيه القشله الصوب الثاني لمدينة السماوه
    اويذبنه ابشارع الستين تاليها

    ................
    تاليها وتطر من الفجر عشاگ
    تروش الناس بالربضه بحلو المسواگ الربضه مكان لبائعات الخضره
    وافر خيرها وراگ اليطگ ابراگ
    والزبلان منفوخه ونرد بيها

    .......................
    نرد بيها ونبگ مطلگ يزمها اسلال
    حربيه ابگفاه لوگوجه لوچقال حربيه اسم احد البائعات
    وين الحال هسه او وين اذاك الحال
    تبدل كلشي هسه وراح ماضيها
    ................
    ماضيها من اذكره اتشب حنايا الروح
    هسه الناس غربه وحل عليها النوح
    مابين انخطف لومات لو مذبوح
    وحاميها صفه ابسبة حراميها

    ..........................
    حاميها تنحه وامس بيده الزود
    امئمنه الناس ومئمنه الليالي اعجود
    يمته ايعود ذاك الخير يمته ايعود
    وتلمنه اعله كتر الشط محاچيها

    .....................
    اعله كتر الشط حمام وغاگ فوگه ايطير الغاك تعني النوارس
    واحنه ابها لدشايش السمرعالجير
    ياسيد جليل اهنانه فد تصوير

    فدوه مروتك للذكرى خليها
    ......................
    خليها اعله عين الماحسبنه ولام
    من عجد العرايه العجد ابن ايدام
    لوزفة عرس جوگات للحمام جوكات تعني مجموعات
    وشوف اشلون من نتعرين اعليها

    .....................
    نتعرين نطب ومتربين الروس
    وابن صنكر يغني من ندك بالطوس
    وينك ياحميد انصيح ماكو فلوس
    ويّصيح حميد اشلون تاليها

    ..........................
    تاليها ونرد مثل الفراش نروش
    نلعب بالقبق يم حايط ابن احنوش
    لو روجح وطمه وگوش يللي تگوش اسماء للعبات قديمه
    لودعبل وطنب ونگد اعليها

    .....................
    لودعبل واذا راح انغلب تنلاص
    اخلي الصول بيدي وصحت اريد ارواص
    لو وياي ربعي وباص يطي الباص
    لو العب اچعاب وگلت الچ بيها

    .............
    الچ مرصوص وين الگام ويدگه
    وين الندبته الصچي ويرد حگه
    واذا يلعبها سنه انطرده ونغبگه
    واذا عاند تصير ابدك تواثيها

    .............

    نلعب واللعب ماينشبع منه
    جنه وراحت ومنهو اليرد جنه
    نذر لبن الحسن يوم الترد النه
    عرايه اصدور للردت نلاكيها

    ...........
    نلاكيها اعله ذيج اسطوحنه الجلده
    ننام الحاف واحد والهوى امخده
    موشده الفگر بس الحزن شده
    نضحك للكمر ونجوم نغويها

    .................
    نغويها ويمر برد السطح نسمه
    نحسب بالنجم نجمه ابأ ثر نجمه
    نغفه اعله البواري وكلمن بهدمه
    وتكعدني الشمس رمضان اجه اعليها

    ....................
    اجه رمضان هسه وكل يشد حيله
    يامحله الليالي وليله الف ليله
    نسهر ماننام انتاني ابو اطبيله
    وعلى خف التنك تركص صوانيها

    .....................
    صوانيها بصباح العيد فرحانه
    كاكول وكعك وكليجه مليانه
    يم دولاب نوني العيد يلكانه
    وتاخذنه الفرح لهفه ونرد بيها

    ...............
    نرد بيها ابربل وچياسة الديري
    صفكات وهلاهل حد الاخضيري
    اطبع فوك بابه الخضره تصويري
    ونرد للسينما ابعشره ونطب ليها

    .................
    ليها وبيها واعليها الوكت محلاه

    بعجد الداحره وعجد العرايه اوياه
    ويم عجد السبوس الخير نتلكاه
    وللشرجي نرد نتكشخ اعليها

    .................
    للشرجي نزفهه الحد عجد دبعن
    صواني الخير للمحتازهه ايلمعن
    نطر عجد النجاجير وكرم طبعن
    اذا كهوة احسين الهيل چاسيها

    ..................
    چاسيها ابعطرها الماي وبگيشه
    والطير اليمر لازم يذب ريشه
    اذا يعطش جريب ويم حمد عيشه
    زبيب احمر عسل والچبده يرويها

    ..................
    يرويها ويشم طعم البگه بذوله
    من حمزه الكببچي ولبن دندوله
    لوجودي وعبيده ونفر عازوله
    من كبة مسافر والعدس بيها

    ..............
    وين ايامنه الحلوه ومنو يردنه
    طشرنه الوكت هسه وتفرهدنه
    كل واحد تحت نجمه وتباعدنه
    وغم هذا العمر بالذله نكظيها

  2. #2

    عضو متميز
    الصورة الرمزية ابو مهند النجفي
    تاريخ التسجيل
    Mar 2006
    الدولة
    من عاشق الامام الحسين عليه السلام
    المشاركات
    9,570

    افتراضي


    بسم الله الرحمن الرحيم
    اللهم صل على محمد وآل محمد

    السلام عليكم ورحمة الله وبركاته
    الله حبيبي الغالي تسلم يبن السماوه الغاليه الله
    يحفظكم من كل سوء يارب
    اجدت وابدعت مولاي
    حياكم الله اخي العزيز الغالي
    كاظم آل جابر
    بارك الله فيكم
    وقضى الله لكم كل حاجة
    أسأل الله ان يمن عليكم بشفاعة الامام علي واله الاطهار
    عليهم افضل الصلاة والسلام
    نسالكم الدعاء
    التعديل الأخير تم بواسطة ابو مهند النجفي ; 18-10-2007 الساعة 12:39 AM

  3. #3

    مشرفة
    الصورة الرمزية فدى حيدر
    تاريخ التسجيل
    Jun 2006
    المشاركات
    11,454
    مقالات المدونة
    4

    افتراضي


    مصائب قوم عند قوم فوائد ..
    نستمتع بقراءة الآلامك .. ان شاءالله ترجع ..
    لكن شنو قوقتي .. فخاتيها .. ؟
    لن يبكِني حيدر الكرار ..
    فديت الروح ..

    " اذكروني بالخير , يا من كنتم لي يوما ً خير َ أسرة "



  4. #4


    شاعر مميز
    الصورة الرمزية Ali Hassan
    تاريخ التسجيل
    Aug 2007
    الدولة
    الدنمارك
    المشاركات
    1,125

    افتراضي


    العزيز كاظم آل جابر
    اعادك الله الى مدينتك السماوه في القريب العاجل
    سلمت الايادي

  5. #5

    عضو فعّال ونشيط
    الصورة الرمزية كاظم ال جابر
    تاريخ التسجيل
    Mar 2007
    المشاركات
    1,053

    افتراضي


    اقتباس المشاركة الأصلية كتبت بواسطة ابو مهند النجفي مشاهدة المشاركة
    بسم الله الرحمن الرحيم
    اللهم صل على محمد وآل محمد

    السلام عليكم ورحمة الله وبركاته
    الله حبيبي الغالي تسلم يبن السماوه الغاليه الله
    يحفظكم من كل سوء يارب
    اجدت وابدعت مولاي
    حياكم الله اخي العزيز الغالي
    كاظم آل جابر
    بارك الله فيكم
    وقضى الله لكم كل حاجة
    أسأل الله ان يمن عليكم بشفاعة الامام علي واله الاطهار
    عليهم افضل الصلاة والسلام
    نسالكم الدعاء
    الله يوفقك ويحفظك ويحفظ عيالك ويرد كل غريب الى وطنه

  6. #6


    شاعر الزهراء المُتميز

    تاريخ التسجيل
    Sep 2006
    المشاركات
    2,235

    افتراضي


    حنين رائع من قلب مملوء بالحنين

    ومن شاعر مبدع وصاحب غيره عاليه تحياتي الك يا ابا القائم يا غالي ومشتاقين

    اخوك

    احسان القريشي
    من الساء للوادم انه احسان
    الكل الناس ما سيئن أنه احسان
    يل تنشد على اسمي أنه احسان
    القريشي الشاعر الحامل قظية

  7. #7


    شاعر مميز
    الصورة الرمزية موسى المالكي
    تاريخ التسجيل
    Apr 2006
    الدولة
    انا هنا وقلبي في كربلاء
    المشاركات
    2,873

    افتراضي


    الله الله الله
    اقسم لقد صفقت لكم
    روعه القصيده
    والصوره الشعريه اروع بكثير
    عندما قرأتها صدقني اخي الغالي
    سرح وشرد فكري وكأنني في السماوه
    الحبيبه
    وصفكم لها اكثر من رائع
    (( ولو انته ذكرتنه بهواي مواضيع وهيجت علينه المواجع ))
    يسلم يمينك يارائع
    اخوكم
    نسألكم الدعاء


  8. #8

    وسام الأنصاري الحسيني الفخري
    الصورة الرمزية فراشة الروح
    تاريخ التسجيل
    Sep 2005
    الدولة
    TuliP
    العمر
    23
    المشاركات
    10,434
    مقالات المدونة
    2

    افتراضي


    الحنين حكاية طويلة ., يلفها وتر الهذيان .,’
    ..,
    رائع
    تقبل ودي
    فِي انْتِظَارِكَ لَمْ أنتَظِرُكْ _ إنتَظَرتُ الأَزَل ..!



    مَح ــمود دُرويِــ شْ

  9. #9

    عضو فعّال ونشيط
    الصورة الرمزية كاظم ال جابر
    تاريخ التسجيل
    Mar 2007
    المشاركات
    1,053

    افتراضي


    اقتباس المشاركة الأصلية كتبت بواسطة فدى حيدر مشاهدة المشاركة
    مصائب قوم عند قوم فوائد ..
    اقتباس المشاركة الأصلية كتبت بواسطة فدى حيدر مشاهدة المشاركة
    نستمتع بقراءة الآلامك .. ان شاءالله ترجع ..
    لكن شنو قوقتي .. فخاتيها .. ؟

    اولا شكرا لمرورك الرائع والطيب
    وكلمة قوقتي باللهجه العراقيه انين لبعض الحمام المسمى الفخاتي
    وانا ممنون لك

  10. #10

    عضو فعّال ونشيط
    الصورة الرمزية كاظم ال جابر
    تاريخ التسجيل
    Mar 2007
    المشاركات
    1,053

    افتراضي


    اقتباس المشاركة الأصلية كتبت بواسطة Ali Hassan مشاهدة المشاركة
    العزيز كاظم آل جابر
    اعادك الله الى مدينتك السماوه في القريب العاجل
    سلمت الايادي
    اسعدني مروركم الكريم وطيب الله انفاسكم ووفقكم الله لما تحب وترضى

  11. #11

    عضو فعّال ونشيط
    الصورة الرمزية كاظم ال جابر
    تاريخ التسجيل
    Mar 2007
    المشاركات
    1,053

    افتراضي


    اقتباس المشاركة الأصلية كتبت بواسطة احسان القريشي مشاهدة المشاركة
    حنين رائع من قلب مملوء بالحنين


    ومن شاعر مبدع وصاحب غيره عاليه تحياتي الك يا ابا القائم يا غالي ومشتاقين

    اخوك


    احسان القريشي
    الصديق الوفي احسان اسعدني مروركم الكريم وطيب الله انفاسكم ووفقكم الله لما تحب وترضى

  12. #12

    عضو فعّال ونشيط
    الصورة الرمزية كاظم ال جابر
    تاريخ التسجيل
    Mar 2007
    المشاركات
    1,053

    افتراضي


    اقتباس المشاركة الأصلية كتبت بواسطة موسى المالكي مشاهدة المشاركة
    الله الله الله
    اقسم لقد صفقت لكم
    روعه القصيده
    والصوره الشعريه اروع بكثير
    عندما قرأتها صدقني اخي الغالي
    سرح وشرد فكري وكأنني في السماوه
    الحبيبه
    وصفكم لها اكثر من رائع
    (( ولو انته ذكرتنه بهواي مواضيع وهيجت علينه المواجع ))
    يسلم يمينك يارائع
    اخوكم
    اسعدني مروركم الكريم وطيب الله انفاسكم ووفقكم الله لما تحب وترضى

  13. #13

    عضو فعّال ونشيط
    الصورة الرمزية كاظم ال جابر
    تاريخ التسجيل
    Mar 2007
    المشاركات
    1,053

    افتراضي


    اقتباس المشاركة الأصلية كتبت بواسطة فراشة الروح مشاهدة المشاركة
    الحنين حكاية طويلة ., يلفها وتر الهذيان .,’


    ..,
    رائع
    تقبل ودي

    اسعدني مروركم الكريم وطيب الله انفاسكم ووفقكم الله لما تحب وترضى

  14. #14

    عضوفعّال
    الصورة الرمزية هدوء الصمت
    تاريخ التسجيل
    Sep 2007
    الدولة
    حين يكون الحب
    المشاركات
    805

    افتراضي


    الاخ العزيز كاظم
    الله يحفظك العراق واهله واعادك الى مدينك الجميله السماوه
    كلمات جميله بروعه الانامل التي خطتها
    وفقك الله وتقبل مروري

  15. #15

    عضو فعّال ونشيط
    الصورة الرمزية كاظم ال جابر
    تاريخ التسجيل
    Mar 2007
    المشاركات
    1,053

    افتراضي


    اقتباس المشاركة الأصلية كتبت بواسطة هدوء الصمت مشاهدة المشاركة
    الاخ العزيز كاظم
    الله يحفظك العراق واهله واعادك الى مدينك الجميله السماوه
    كلمات جميله بروعه الانامل التي خطتها
    وفقك الله وتقبل مروري
    ............................
    شكرا لمروركم الرائع وتقديرا لكم واحتراما


صفحة 1 من 2 12 الأخيرةالأخيرة

المواضيع المتشابهه

  1. الطفل الكوردي الذي تبنته عائله في محافظة السماوه بعد هروبه من مجزره جماعيه للصداميين.
    بواسطة عباس الصالحي في المنتدى منبر السياسة والحوارات الفكرية
    مشاركات: 4
    آخر مشاركة: 14-08-2009, 09:53 PM
  2. حنين!!!
    بواسطة فداء5 في المنتدى منبر الشعر والأدب
    مشاركات: 18
    آخر مشاركة: 16-07-2009, 02:49 PM
  3. صور زيارة الملا الغالي((بوحسين))لمدينتي الغاليه
    بواسطة نداء الروح 2 في المنتدى منبر الصور والتصوير الفوتوغرافي
    مشاركات: 10
    آخر مشاركة: 19-08-2008, 06:20 AM
  4. حنين
    بواسطة زمان في المنتدى منبر الشعر والأدب
    مشاركات: 7
    آخر مشاركة: 14-01-2007, 02:09 PM
  5. لمدينتي ... إلى مدينة الصدر ...
    بواسطة مثنى الحائري في المنتدى منبر الشعر والأدب
    مشاركات: 11
    آخر مشاركة: 26-11-2006, 12:09 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 12:58 PM
Powered by vBulletin® Version 4.2.0
Copyright © 2014 vBulletin Solutions, Inc. All rights reserved.